БАКАЛАВРЫН ЭЛСЭЛТИЙН БҮРТГЭЛ

2018.06.04-2018.07.09-ны хооронд явагдана.
Бүртгүүлэх

БАКАЛАВР, МАГИСТРЫН ЭЛСЭЛТИЙН БҮРТГЭЛ

Бакалаврын өдөр, орой, эчнээ анги, магистрын ангийн элсэлтийн бүртггэл ОТИС-ийн В байранд ажлын өдрүүдэд явагдаж байна.


ТАНИЛЦУУЛГА


ЭРХЭМ ЗОРИЛГО

МЭДЛЭГЭЭРЭЭ БАЯЛАГ БҮТЭЭЖ, МАНЛАЙЛАХ ЧАДВАРТАЙ, ЁС СУРТАХУУНТАЙ МЭРГЭЖИЛТЭН БЭЛТГЭНЭ.


АЛСЫН ХАРАА

Олон улсын стандартад нийцсэн, чадварлаг мэргэжилтэн бэлтгэдэг, орчин үеийн технологийн дэвшил, инновацийн хөгжлийг үйл ажиллагаандаа нэвтрүүлсэн сургалт-судалгааны их сургууль байна.

ҮНЭТ ЗҮЙЛС

  • Нийгмийн хариуцлага
  • Уламжлал, шинэчлэл
  • Бүтээлч сэтгэлгээ
  • Академик эрх чөлөө
  • Тогтвортой хөгжил, дэвшил
  • Шударга өрсөлдөөн

      Отгонтэнгэр их сургууль нь 1991 онд байгуулагдаж, 1999 онд “Отгонтэнгэр Их Сургууль” болон өргөжиж бакалавр, магистр, докторын түвшний сургалтуудыг явуулж байгаа дадлага туршлагатай. Тус сургууль 1999 онд анхлан, 2004 онд ахисан түвшинд магадлан итгэмжлэгдсэн бөгөөд 2013 онд амжилттай аттестачилагдсан бөгөөд бакалавр, магистр, докторын түвшний сургалтуудыг шинжлэх ухааны болон боловсролын доктор, магистрын зэрэгтэй, профессор, дэд профессор цолтой 90 шахам багш удирдан явуулж байна.

     2014 онд Нягтлан бодох бүртгэл, Санхүүгийн менежмент, Олон улсын эрх зүй, Бизнесийн эрх зүй мэргэжлийн хөтөлбөрүүд, 2015 онд Сэтгүүлзүй, Англи хэлний багш, Хятад хэлний орчуулагч хөтөлбөрүүд БМИҮЗ-ээр “А” үнэлгээтэйгээр тус тус магадлан итгэмжлэгдсэн.

     Монгол улсын хөгжил, дэвшлийн гол цөм болох өндөр мэргэжилтэй боловсон хүчин бэлтгэн төрийн болон хувийн хэвшлийн байгууллагыг чанартай, чадвартай мэргэжилтнээр хангах үйлсэд манлайлагч, тэргүүлэгч үүрэгтэйгээр оролцдог тус сургуулийн бүтээлч, оюунлаг хамт олон Монголын оюутны дээд шагнал “Боловсролд хөрөнгө оруулагч байгууллага”, МҮХАҮТ-ын “Оны шилдэг интрепренер-2005, 2008”, МҮХАҮТ-ын “Мэдлэгт суурилсан бизнес” шагнал, “Хүүхдэд ээлтэй оны шилдэг сургууль-2005”, МҮОНТ-ийн “Ядуу иргэдийн сурч боловсроход бодитой хувь нэмэр оруулсан байгууллага”, “Хэрэглэгчдийн найдвартай түнш” өргөмжлөл, “Best of Mongolia-2013” шилдэг их сургууль өргөмжлөл, 2014 оны “Монголын сурагчдын бахархал-ТОП ИХ СУРГУУЛЬ” өргөмжлөлт Отгонтэнгэр Их сургууль шинэ элсэгчдэд зориулсан “Class of 2018” хөтөлбөрийг хэрэгжүүлж, боловсролын салбарт бодитой өөрчлөлт шинэчлэлийг бий болгохыг зорин ажиллаж байна.

     Манай сургууль Эрдэм шинжилгээ судалгааны төв, 44 хичээлийн танхим, компьютерийн 4 лаборатори, Хурлын 1 заал, Биеийн тамирын 1 заал, Оюутны зоогийн газар 2, Интернэт танхим 1, Оюутанд үйлчлэх бичиг хэргийн төв 1, Хэвлэх цех 1, Радио студи 1, Хуульзүйн зөвлөгөө өгөх Клиник сургалтын төв 1, Бизнесийн эрхзүйн сургалт-судалгааны төв, Интерактив санхүүгийн программын сургалт, дадлагын төв, Оюутны хөдөлмөр эрхлэлтийг дэмжих төв гэсэн сургалт, дадлагын баазтайгаар үйл ажиллагаагаа явуулж байна.

Мэдээ мэдээлэл


ОТГОНТЭНГЭР ИХ СУРГУУЛЬ 3 ДАХЬ УДААГАА АМЖИЛТТАЙ МАГАДЛАН ИТГЭМЖЛЭГДЛЭЭ

Отгонтэнгэр их сургуулийн “дээд боловсролын сургалтын байгууллагын магадлан итгэмжлэл”-ийг 100 хувийн саналаар 3 дахь удаагаа магадлан итгэмжлэгдлээ

2018-06-30 04:29
Агаарын тээврийн үйлчилгээний хөтөлбөрөөр бүртгүүлэгчдийн анхааралд

Агаарын тээврийн үйлчилгээний хөтөлбөрөөр бүртгүүлэгч нь 7 сарын 7, 8 өдрүүдэд ОТИС-д ярилцлагатай тул түүнээс өмнө сургуульд ирж ярилцлагад орох дугаараа авна уу. 

2018-06-30 04:20
Отгонтэнгэр их сургуулийн В байрны 203 тоотод бүртгэж байна

2016, 2017 оны ЭЕШ-ын батламжтай элсэгчдийг бүртгэж байна.

Элсэх мэргэжлүүд цэснээс дэлгэрэнгүй мэдээллийг үзэх, эсвэл 99120889, 99882882 утсаар лавлана уу.

 

2018-06-05 10:47
ОЛОН УЛСЫН ЦАЛИНТАЙ ОЮУТАН ХӨТӨЛБӨР ХЭРЭГЖИНЭ

Отгонтэнгэр Их сургууль Япон улсын хөдөлмөр зуучийн “Ворлд Бизнес Партнер” компанитай хамтын ажиллагааны санамж бичигт гарын үсэг зурж аялал жуулчлалын болон агаарын тээврийн үйлчилгээний ангийн оюутнуудыг Япон улсад нэг жилийн хугацаатай цалинтай дадлагажигч оюутнаар ажиллуулах зорилготой уг санамж бичигт ОТИС-ийн захирал доктор Н.Энхзаяа, “Ворлд Бизнес Партнер“компаний гүйцэтгэх захирал Игараши Хажиме нар гарын үсэг зурсан юм. Ийнхүү өнөөдрөөс эхлээд Отгонтэнгэр Их сургуулийн оюутнууд суралцах явцдаа мэргэжлийнхээ дагуу Япон улсад нэг жил цалинтай дадлага хийхээр боллоо.

2018-06-05 10:08
“LUXURY” ГОО БҮСГҮЙ ТЭМЦЭЭНД ОТГОНТЭНГЭР ИХ СУРГУУЛИЙН ХОЁР ОЮУТАН ОРОЛЦОНО

2005 оны "Монголын мисс" Б.Гантогоо ОТИС-ийн Агаарын тээврийн үйлчилгээний ангийн хоёр оюутанд БНСУ-ын онгоц үйлдвэрлэгч, агаарын тээврийн үйлчилгээний компаниудын зохион байгуулж буй “LUXURY” гоо бүсгүй тэмцээнд оролцох эрхийг олгосон юм.

2018-06-05 10:04
“НИСЭХ МИНИЙ ИРЭЭДҮЙ” ӨДӨРЛӨГТ ОТГОНТЭНГЭР ИХ СУРГУУЛЬ ОРОЛЦЛОО

Монгол улсад нисэх хүчин үүсч хөгжсөний 93 жилийн ойг тохиолдуулан НИСЭХ МИНИЙ ИРЭЭДҮЙ” өдөрлөг өнгөрсөн амралтын өдрөөр зохион байгуулагдлаа. Үндэсний цэцэрлэгт хүрээлэнд болсон арга хэмжээнд ИНЕГ-ын алба, салбаруудаас гадна агаарын тээврийн боловсон хүчин бэлтгэдэг их сургуулиуд оролцож өөрсдийн үйл ажиллагаа сурталчилсан юм.

2018-06-05 09:51